වැලි සහිත වෙරළ තීරයක් සහ පහත් රළ සහිත සජීවී ධීවර ගම්මානයක් වන වැලිගම සර්ෆින් සහ සංචාරක ව්‍යාපාරයක් සඳහා ආකර්ෂණයක් බවට පත්ව ඇත. කෙසේ වෙතත් වැලිගම එහි නම  වැලි ගම්මානය පෞරාණික විහාරස්ථාන ස්වභාවික වරායන් කිමිදීම් ආදී සුන්දර ප්‍රදේශයකි.

සුන්දර වැලිගම් බොක්ක තුළ පිහිටා ඇති කුඩා දිවයින ගංදුව, තැප්‍රොබේන් අයිලන්ඩ්, ක්‍රවුන් ඩී මොනි යන නම්වලින් විවිධ අය හදුන්වයි. මෙම දුපත මැද පෞරාණික සුවිශේෂ ගෘහනිර්මාණ ලක්ෂණ වලින් පිරි ගොඩනැගිල්ලක් ඇත. එය නිර්මාණය කර තිබෙනුයේ නැපෝලියන් බෙනබාට් මහ සෙනවියාගේ මුණුපුරෙකි. ඔහු මෝනි යන නමින් හදුන්වයි. ඔහු අතිදක්ෂ වාස්තුවිද්‍යාඥයෙකු වන අතර, මෙම ගොඩනැගිල්ල පරික්ෂා කිරීමෙන්ද ඒ බව මනාව පැහැදිලි වේ.ඔහුගේ ගෘහණිර්මාණ ශිල්පී සුවිශේෂ මේසය අදටත් එහි දක්නට ඇත. මෙම දිවයිනේ පෙර තිබු ලිද ඉතා හොඳ වතුර වලින් සමන්විත ලිදකි. අද එය හානියට ලක්වී ඇත. මේ ක්‍රවුන්ඩ්මෝනි විදේශිකයෙකු වුවත් මොහු මිය යන තෙක්ම මෙහි වාසය කළ අතර, ගමේ මිනිසුන් මොහුට සුදු සීයා යන නමින් ආමන්ත්‍රණය කර ඇත. වැලිගම බොක්ක මනරම් කරන්න මෙය කදිම සංකේතයකි.

වැලිගම නගර සීමාව තුල පිහිටි මෙම විහාරය ශ්‍රී මහා බෝධියේ අංකරයක් රෝපණය කරන ලද අග්‍රබෝධී විහාර පද්ධතියේම කොටසක් විය දැනට එය වෙනම විහාරයක් ලෙස පවත්වාගෙන යනු ලැබේ. මෙහි ආරම්භය අනුරාධපුර යුගය දක්වා විහිදේ මහාවංශයේ මෙම විහාරය ගැන සඳහනක් දැක්වේ. මිහිදු මාහා හිමියන්ගේ වැඩමවීම සිහිකිරීම සඳහා සෑම අවුරුද්දක්ම පසා ජුනි මාසයේ මෙහි පොසොන් පෙරහරක් පැවැත්වේ. ඉතිහාසයේ වැලිගම් වෙහෙර වු මෙය පසුව නාකාය බේදයන් මත වෙන්විය රාජකුලවර්ධන නමැති සෙනවියෙකු මෙය මහා පිරිවෙණක් බවට පත් කළ බවද ඉතිහාසයේ දැක්වේ.

මෙම වරාය ධීවරයන් විසින් භාවිතා කරන කුඩා නැව් සහ ට්‍රොලර් නැංගුරම් ලෑමට යොදාගනු ලැබේ. වැලිගම කප්පරතොට පිහිටා ඇත.

වර්තමාන වැලිගම ධීවර වරාය අතීතයේ දී කුලුබඩු, පොල්, පුවක් අපනයනය කරීමටත් වාණිජ බඩු ආනයනය සඳහාත් යොදාගත් ජාත්‍යන්තර වරායක්ව පැවැතිනි. මුස්ලිම් ශාන්තුවරයෙකුගේ සොහොනක් පිහිටි කප්පරතොට මුස්ලිම් පල්ලිය සහ සිංහල බැතිමතුන් අනුග්‍රහ දක්වන සිද්ධස්ථානයක්ය. සිංහල සහ මුස්ලිම් ජනතාවගේ සමගිය විදහා දක්වන දුර්ලභ ගණයේ සිද්ධස්ථානයකි.